Ka tuku mātou i ētahi whakaaetanga e taea ai te haere me ngā taonga, ka tuku hoki mātou i ngā puka hei whakamōhio atu i te wāhi e whiwhi ai koe i te whakaaetanga me te āhua o tō whiwhi i te whakaaetanga.

• Ngā whakaaetanga CITES mō te hoko whakawaho me te hoko whakaroto – Me whiwhi pea koe i ēnei whakaaetanga e wehe atu ai koe i Aotearoa, e tae mai ai koe ki Aotearoa me tō taonga.
• Ngā tiwhikete nō mua i te CITES – Mēnā i riro i a koe tētahi taonga i mua i tana whakaurunga ki te CITES, ka taea pea e koe te tiki tētahi tiwhikete nō mua i te CITES, ka whakamahia kētia i ētahi horopaki, kaua ko te whakaaetanga.
• He whakaoati – Me whiwhi pea koe i ētahi whakaoati hei whakamōhio atu i te wāhi i whiwhi ai koe i tō taonga me te āhua o tō whiwhi i te taonga. Ka pāngia pea tō whiwhi i tētahi whakaaetanga mēnā rānei i whakawhiwhia rā i Aotearoa nei.
• Ngā Whakaaetanga Hoko Whakawaho o te Wildlife Act – Me whiwhi pea koe i tēnei puka mēnā e whakarite ana koe ki te kawe atu i te kararehe, te tipu, te hua rānei o ēnei mea. E tae atu ana tēnei ki ngā huru manu, pērā i ngā kākahu.
• Ngā Puka Whakaaetanga Whāngote Moana – I te nuinga o te wā me mātua whiwhi tētahi puka whakaaetanga e taea ai te hoko whakawaho, whakaroto rānei, tētahi whāngote moana, tētahi hua whāngote moana rānei.

Mēnā e tika ana, me whiwhi rawa koe i ngā whakaaetanga whāngote moana me ngā puka o te Whakaaetanga Hoko Whakawaho o te Wildlife Act i mua i tō tono i ngā puka CITES. Tirohia te roanga o te tukanga e whakahaerehia ai tētahi tono.

Tīkina he whakaaetanga CITES

Tīkina he whakaaetanga whāngote moana

Tīkina he whakaaetanga Hoko Whakawaho o te Wildlife Act

Ki Aotearoa nei, e whakariterite ana te Protected Objects Act (1975) i te hoko whakawaho o ngā taonga e tiakina ana.

E taea ai tō wehe i Aotearoa me ō taonga, me whiwhi pea koe i tētahi Tiwhikete Whakaaetanga i te Manatū Taonga.

Me whiwhi rawa koe i tētahi Tiwhikete mēnā:

• kei roto tō taonga i tētahi o ngā wāhanga e 9 o ngā taonga e tiakina ana ki Aotearoa
• he mahi toi, he mahi ā-ringa, he taonga Māori rānei, ā, i waihangatia i mua i te 50 tau i mua.

Ehara i te mea me whiwhi Tiwihikete Whakaaetanga koe mēnā i waihangatia tō taonga i muri i te 50 tau i mua.

Mēnā ko te āhua i waihangatia tō taonga i mua i te 50 tau i mua, me tono koe i tētahi reta mai i te Manatū Taonga hei whakapūmau i te whakawāteatanga o tō taonga.

Whakapā atu ki te Protected Objects Team kia kitea ai mēnā rānei me tono koe i tētahi tiwhikete e taea ai tō haere me ō taonga.

Ki ētahi atu whenua, he tino taikaha ō rātou herenga whakaaetanga e taea ai te haere me ngā taonga, pērā i te wheua tohorā.

Me mātua whakarite ki te haere me ngā whakaaetanga e tika ana.
 
I mua i te hāereere, me tirotiro koe i ngā herenga whakaaetanga o te whenua e haere ai koe. Mēnā he nui ngā whenua e haere ai koe, me whiwhi pea koe i tētahi whakaaetanga i tēnā, i tēnā whenua.
 
Ki te kōhakina ngā rawa i tāwāhi, ā, kāore i a koe ngā whakaaetanga e tika ana, e kore pea e taea e te Kāwanatanga o Aotearoa te whakahoki mai aua rawa ki a koe.

Kei te pai noa tō whakapā atu ki ngā mana CITES ā-motu kia rongo ai koe i ētahi atu kōrero. Mā rātou hoki koe e tautoko ki te tiki i ngā puka e tika ana mō te wā e tae atu ai koe ki te whenua e haere ai koe.

Ngā mana CITES ā-motu